Psa 95 | NdeIBE | STEP | Wozani sihlabelele ngentokozo kuJehova; kasihlokomeni kamnandi kulo iDwala lokusindiswa kwethu.

Psalms 95

1 Wozani sihlabelele ngentokozo kuJehova; kasihlokomeni kamnandi kulo iDwala lokusindiswa kwethu.

2 Kasizeni phambi kwakhe ngokubonga simdumise ngamachacho langengoma.

3 Ngokuba uJehova unguNkulunkulu omkhulu, iNkosi ngaphezu kwabonkulunkulu bonke.

4 Izinziki zomhlaba zisezandleni zakhe, leziqongo zezintaba ngezakhe.

5 Ngolwakhe ulwandle ngokuba walwenza, lezandla zakhe zawenza umhlaba owomileyo.

6 Wozani, kasikhothame simkhonze, kasiguqe phambi kukaJehova uMenzi wethu;

7 ngokuba unguNkulunkulu wethu, thina singabantu bedlelo lakhe, umhlambi awunakekelayo. Lamuhla, nxa lisizwa ilizwi lakhe,

8 lingazenzi lukhuni izinhliziyo zenu njengoba lenzenjalo eMeribha, njengelakwenza ngaleliyana ilanga eMasa enkangala,

9 lapho okhokho benu bangilinga bengizama, lanxa babekubonile engakwenzayo.

10 Okweminyaka engamatshumi amane ngangisizondele lesosizukulwane; ngathi, “Bangabantu onhliziyo zabo ziyahlanhlatha, njalo kabazazanga izindlela zami.”

11 Ngakho ngafunga ngagomela ngizondile ngathi, “Kabazukufa bangena ekuphumuleni kwami.”